aashaon se hi jeevan hai

nanhi si pari zameen par utri
khushiyon ka pitara saath layi hai
aashaon se hi jeevan hai
aisa paigam layi hai

chhoti chhoti hatheli mein
apne khwab samet ayi hai
kabi ungli thaam kar
kabi muthi khol kar
apni taqdeer azmane ayi hai

nanhe nanhe kadmon se
lambi daud lagani hai
kabi saath chal kar
kabi aagey badh kar
apni rah banane ayi hai

thodi si umeed
thodi si hasi
thodi sa pyar
thodi si masti
inse zindagi sanjone ayi hai

aashaon se hi jeevan hai
aisa paigam layi hai