Zindagi mein jitne dard hain utni raahaten bhi hain
par jo raah tumne chuni wahan aahatein bhi nahi hain
Jaane se pehle shayad ek awaaz tumne hume di hogi
lekin hum apni zindagi mein vyast, humne kahan se suni hogi?
Dua hai tumhe wahan wo sukoon mile jo yahan na mil saka
saare sawalon ke jawab mile jo tu yahaan kisise puchh na saka
Kaash humne tumhari yeh sada suni hoti
toh tumne iss tarah chale jaane ki zidd na ki hoti
Hum shayad tumhare sawalon ke jawab na de paate
lekin tumse tumhari zindagi ki mohalat zarur maang lete…
